„სასკოლო სპორტული ოლიმპიადა 2020“ წლის რეგიონული თამაშები იწყება.

ახალციხის მუნიციპალიტეტის მერის პირველმა მოადგილემ გურამ მელიქიძემ, საკრებულოს დეპუტატმა გიორგი ბეროშვილმა, მერიის კულტურის სამსახურის ხელმძღვანელმა ზაზა თამარაშვილმა და სპორტის განყოფილების წარმომადგენლებმა „ სასკოლო სპორტული ოლიმპიადა 2020“-ის რეგიონული თამაშების მონაწილე ახალციხის გუნდებს სათამაშო ფორმები გადასცეს.

ღონისძიებას საჯარო სკოლების დირექტორები, სპორტის პედაგოგები და მოსწავლეები ესწრებოდნენ.

რეგიონული თამაშები 2020, ახალციხეში 1 მარტს მაგიდის ჩოგბურთით გაიხსნება.

ახალციხის მუნიციპალიტეტის მერია წარმატებებს უსურვებს თამაშებში მონაწილე სკოლებს!