საბავშვო ბაღებში გასართობი მოედნები მოეწყო
საბავშვო ბაღის აღსაზრდელებისთვის სრულფასოვანი გარემოს შექმნის მიზნით, ახალციხის მუნიციპალიტეტის ბაგა-ბაღებში გასართობი მოედნები მოეწყო.
ატრაქციონები სოფელ მუსხის, წნისისა და ახალციხის №3 ბაღებში დამონტაჟდა. გარდა ამისა, გასართობი მოედანი მოეწყო სოფელ აბათხევშიც.
სამუშაოები ახალციხის მუნიციპალიტეტის მერიის, ააიპ სკოლამდელი აღზრდის დაწესებულებისა და სამცხე -ჯავახეთის განვითარების ცენტრის ერთობლივი თანამშრომლობით განხორციელდა.