ახალციხის მუნიციპალიტეტის მერიამ სტიპენდიანტები დააჯილდოვა

ახალციხის მუნიციპალიტეტის მერიამ სამცხე-ჯავახეთის სახელმწიფო უნივერსიტეტის 37 წარჩინებული სტუდენტი დააჯილდოვა.

ახალციხის ცენტრალურ პარკში, საახალწლო ღონისძიებაზე შეკრებილებს მუნიციპალიტეტის მერმა ირაკლი ლაზარაშვილმა და საკრებულოს თავმჯდომარემ დავით ლომიძემ შობა-ახალი წელი მიულოცეს.

ადგილობრივი თვითმმართველობის წარმომადგენლებმა სტიპენდიანტებს სერტიფიკატები გადასცეს, სწავლაში მიღწეული შედეგი მიულოცეს და წარმატებები უსურვეს მომავალშიც. აღსანიშნავია, რომ თითოეულ მათგანს მერიისგან 500 ლარის ოდენობით სტიპენდია ჩაერიცხა.

+16